ШҚМТУ-да өзінің білімі мен күшіне сенімді, еліміздің таңдаулы университеттерінің бірінде оқуға бел буған, металлургия өндірісінде, машина жасау, құрылыс, экономика саласында еңбек етуге талпынған болашақ талапкерлер үшін конкурстың соңғы сайысы болып өтті.
Бұл конкурс жыл сайын облыстың 9-11 сынып оқушылары арасында өтеді. Оқу жылында екі тур болады. Біріншісінде (сырттай) балалар математика, физика, химия, географиядан күрделі бақылау жұмыстарын орындайды. Екінші тур университет базасында «Жас талап – KZ» немесе «Ел ертені-KZ» журналдарына жазылған 11 сынып оқушылары арасында өтеді.
Биылғы конкурста Балнұр Дүсіпханова (Өскемен, № 16 мектеп) математикадан, Темірлан Өмірзақ (№3 гимназия, Өскемен) географиядан, Бағжан Назарбекова (Зайсан, Әуезов меткебі) физикадан жеңімпаз атанды. Бұл балалар ҰБТ-ді табысты өткізсе, университетте тегін оқу үшін ректордың грамотасына ие болады. Екінші, үшінші орындағылар дипломдармен, бағалы сыйлықтармен марапатталды.
