5 қараш күні Д. Серікбаев атындағы Шығыс Қазақстан техникалық университетінің базасында Ақпараттық технологиялар саласындағы The International Collegiate Programming Contest (ICPC) ширек финалы өтті. Әлемнің түкпір-түкпірінен келген жас бағдарламашыларды біріктіретін бұл беделді жарыс "Ақпараттық жүйелер" және "Есептеу техникасы" білім беру бағдарламалары студенттерінің назарын аударды.
Іс-шара Ақпараттық технологиялар саласындағы құзыреттер және технологиялар трансфері орталығы қызметкерлерінің, сондай-ақ оның басшысы Руслан Қайратұлы Четтікбаевтың белсенді қолдауымен өтті. Жарысқа қатысушылар күні бойы күрделі мәселелерді шешіп, өз дағдыларын көрсетті.
Ұзақ және қарқынды жарыстың қорытындысы бойынша Д. Серікбаев атындағы Шығыс Қазақстан техникалық университетінің командасы Өскеменде өңірлік кезеңнің жеңімпазы атанды. Бұл команда құрамында Тангиркул Мұхаммед пен Байсалханов Темірлан өнер көрсетті. Екінші орын ШҚТУ студенттері - Першин Кирилл, Тонков Ян және Соколов Станиславтан тұратын басқа командаға бұйырды.
Студенттерімізді лайықты жеңісімен құттықтаймыз! Бұл олардың ақпараттық технологиялар саласындағы мансабындағы маңызды қадам және біз оларға ICPC жарысының болашақ кезеңдерінде және олардың кәсіби өсуінде табыстар тілейміз. Мұндай жетістіктер Шығыс Қазақстан техникалық университеті студенттері мен оның оқытушыларының білім деңгейі мен талантының жоғары екендігін тағы бір дәлелі.
