Жеңіс күні Шығыс Қазақстан облысының әрбір елді-мекенінде аталып өтіледі. Ұлы Жеңістің 72 жылдық мерей тойын 330 майданшылар мен 25 мыңға жуық тыл ардагерлері қарсы алуда.

9 мамыр күні қала көшелері тұрғындармен толықты. Таңғы сағат 10-да  «Қаһарман ұлт – Мәңгілік полк» акциясы бастау алды. Ертіс жағалауы бойымен «Өзен» бекетінен Даңқ Мемориалды кешеніне дейін Ұлы Отан Соғысына қатысқан туғандарының, жақындарының , соғыста көз жұмған майдангерлердің суретін қолына ұстаған 10 мыңға жуық адам жүріп өтті. Шеру әскери жылдар техникасының, оркестрлер мен салтанатты теплоходтың сүйемелдеуімен өтті. Колонно қатарында Д.Серікбаев атындағы ШҚМТУ-ның 500-ден аса студенттері мен әскери кафедра офицерлері де болды.

Негізгі іс-шара мәңгілік алауға гүл шоқтарын қойып, сұрапыл соғыста көз жұмған майдангерлердің рухына дұға жасалынып, үнсіздік минуты жарияланып Даңқ Мемориалында өтті. «Бейбітшілік мәңгі есте сақтайды!» концерттік бағдарлама болды.

polk1"

 

ШҚМТУ баспасөз қызметі