Құрметті Гүлзада Байдрахманқызы!
Д.Серікбаев атындағы Шығыс Қазақстан атындағы техникалық университеті ұжымының атынан Сізді алты белеске жеткен мерейлі жылыңызбен шын жүректен құттықтаймыз!
Д.Серікбаев атындағы Шығыс Қазақстан техникалық университетінің игілігі жолында жасаған жемісті қызметіңіз бен жоғары жетістіктеріңіз үшін Сізге алғыс айтамыз. Н.В. Гоголь атындағы Нижин мемлекеттік педагогикалық институтын аяқтап, М.Әуезов атындағы Әдебиет және өнер институтында кандидаттық диссертацияңызды қорғағаннан бері сіздің еңбек жолыңыз ұстаздықпен, ғалымдықпен жалғасып келеді. Деканның тәрбие ісі жөніндегі орынбасары ретінде сіз студенттердің өзін-өзі басқаруын дамытуға және жастар арасында патриоттық құндылықтарды қалыптастыруға белсенді үлес қостыңыз. Сіз оқу-тәрбие жұмыстарына, әдістемелік жұмыстарға үнемі көңіл бөліп жүресіз, бұл жас ғалымдар мен шәкірттеріңіз үшін үлкен үлгі-өнеге.
Сіздің сарқылмас күш-жігеріңіздің арқасында Тілдер құзыреттілігі орталығы «Рухани жаңғыру» сияқты маңызды бағдарламаларды сәтті жүзеге асырып, студенттер қалалық, облыстық және халықаралық байқауларға қатысып, жоғары нәтижелерге қол жеткізуде.
Өз ісіңізге шынайы берілгендігіңіз бен кәсіби шеберлігіңіз, әділдігіңіз бен адамгершілігіңіз үшін әріптестеріңіз Сізді құрмет тұтып сыйлайды.
Бүгінгідей мерейлі сәтте Сізге еңбекте толағай табыстарға, мақсатта биік шыңдарға жете беруіңізді тілейміз.
