2024 жылғы 20 қарашада Д. Серікбаев атындағы Шығыс Қазақстан техникалық университетінде «Жасылдың 50 реңі» атты жыл сайынғы Олимпиада ұйымдастырылды. Бұл интеллектуалдық байқау университеттің Бизнес мектебі тарапынан өткізілген маңызды шаралардың бірі болып, шығармашылық қабілеттерін дамытуға және бизнес, маркетинг, қаржы саласындағы білімдерін тереңдетуге ұмтылған жоғары сынып оқушылары үшін зор мәнге ие болды.
Олимпиаданың басты мақсаты - оқушылардың кәсіпкерлік ойлауын дамыту, білім деңгейін арттыру және кәсіби бағдар беру. Байқауға Өскемен қаласының түрлі мектептері мен лицейлерінің 11-сынып оқушылары қатысты. Олардың арасында Облыстық мамандандырылған IT мектеп-лицейі, КГУ «№36 орта мектеп», КГУ «Ы. Алтынсарин атындағы №39 орта мектеп», КГУ «Лев Гумилев атындағы №38 гимназия» сынды білім ордаларының өкілдері болды. Бұл шара оқушыларға тек білім алу ғана емес, сондай-ақ болашақта кәсіпкерлік әлеміне қадам басуға мүмкіндік берді.
Сонымен қатар, мектеп және колледждерден келген команда жетекшілері үшін «Қоғамдық институттар жүйесі және қоғамдық қажеттіліктер» тақырыбында арнайы семинар ұйымдастырылды. Семинарды социология ғылымдарының кандидаты Элеонора Олеговна Столярова жүргізді. Бұл семинар қатысушыларға яки мектеп оқушыларына қоғамдық құрылымдар мен олардың экономика мен әлеуметтік өмірге әсерін түсінуге көмектесті.
Олимпиаданың ең қызықты кезеңдерінің бірі - «Өнертапқыш!» командалық байқауы болды. Бұл сайыстың ережесі бойынша қатысушыларға шектеулі уақыт ішінде арнайы талаптарға сәйкес өнім жасау міндеті қойылды. Қатысушыларға берілген материалдармен қолдарына берілген тауарды түскен кезде зақымданудан қорғайтын контейнер құрастыру тапсырылды. Әр топ өз туындыларын жасап қана қоймай, сонымен бірге өнімнің жарнамалық стратегиясын әзірлеуі қажет болды.
Санаулы 15 минут ішінде жұмысын аяқтаған командалар өз шығармашылық туындыларын таныстырды. Қазылар алқасы оларды өнімнің атауы, идеяның креативтілігі, функционалдығы және жарнамалық стратегия бойынша бағалады.
Олимпиаданың жеңімпаздарына Бизнес мектебінің оқу бағдарламалары бойынша бірінші жылға 10%-дық жеңілдік сертификаттары табысталды.
Аталмыш олимпиада оқушыларға өз қабілеттерін көрсетуге ғана емес, болашақта кәсіпкерлік және бизнес саласында мансап құруға дайындық жасауға да мүмкіндік берді. Д. Серікбаев атындағы университет талантты студенттерді қолдап, «Бизнес және кәсіпкерлік» мамандығы бойынша білім алу мүмкіндігін ұсынады. Бұл университеттің жастарға жаңа білім мен тәжірибе берудегі рөлін айқын көрсетеді.
Жалпы, бұл іс-шара жастардың білім алу және кәсіби бағдар беру саласындағы маңызды қадам болып табылды. Ол оларды кәсіпкерлік бағытта әрі қарай дамуға ынталандырды. «Жасылдың 50 реңі» атты олимпиада Қазақстанның болашағы жарқын идеялар мен инновациялық көзқарастарға негізделгенін көрсетті. Мұндай шаралар жастардың кәсіби өсуі мен жеке жетістіктеріне берік негіз қалайды, әрі оларды шығармашылық шешімдер мен жаңашылдыққа бағыттайды.
