Шығыс Қазақстан техникалық университетінің (ШҚТУ) делегациясы Баку қаласындағы сапарын Әзербайжанның жетекші университеттерімен жұмыс кездесулерінен бастады. 3 наурыз күні ШҚТУ өкілдері ректордың басшылығымен Әзербайжан сәулет-құрылыс университетінің (АзУАС) басшылығымен келіссөздер өткізді. Кездесуге АзУАС тарапынан ректор, профессор Гюльчохра Гусейн кызы Мамедова, сондай-ақ проректорлар профессор Акиф Фазил оглы Гасымов, профессор Нигяр Махар кызы Асланова, профессор Наргиз Джавад кызы Абдуллаева қатысты.
Келіссөздер жылы әрі іскерлік жағдайда өтті. Тараптар қазіргі және болашақтағы бірлескен жобаларды талқылап, әсіресе білім беру және ғылыми бастамаларды жүзеге асыру, студенттер мен оқытушылар ұтқырлық бағдарламаларының мүмкіндіктеріне ерекше назар аударды. Сонымен қатар, бастапқыда Құрылыс-жол институты ретінде құрылған ШҚТУ-дың сәулет, құрылыс және дизайн салаларында АзУАС-пен ортақ мүдделері бар екені атап өтілді.
Тараптар өзара түсіністік туралы меморандумға қол қоюға қызығушылық білдіріп, бұл академиялық серіктестікті дамытудағы маңызды қадам болатынын жеткізді. ШҚТУ делегациясы Әзербайжан сәулет-құрылыс университетінің басшылығына жылы қабылдауы және мазмұнды пікір алмасу үшін алғысын білдірді.
