Мереке қарсаңында 2024 жылдың 6 және 7 мамырда ШҚТУ-да жастар арасындағы алғашқы Сlimate Talks диалогы өтті. Іс-шараны "Қазақстанның су әріптестігі" қоғамдық қоры Қазақстандағы Ф. Эберт атындағы қордың өкілі және Perspectivity фасилитация компаниясымен (Нидерланды Корольдігі) серіктестікте ұйымдастырды.
Қазақстанның су серіктестігі саясаткерлер, су мамандары және су шаруашылығы ұйымдары, су мәселелерімен айналысатын қоғамдық ұйымдар арасындағы су ресурстарын интеграцияланған басқарудың негізгі қағидаттары туралы хабардарлықты арттыру науқандарында шешуші рөл атқарады. Қоғамдық қорды жобаның үйлестірушісі Аманбайұлы Мұхтар ұсынды.
Фридрих Эберт атындағы қор - халықаралық талдау орталығы және халықаралық ынтымақтастық орталығы, азаматтық қоғамды нығайту үшін ағартушылық жұмыстармен айналысады. Оның өкілі - Сүлейменов Медет.
Perspectivity фасилитация компаниясы ұжымдық даналықты ортақ игілік үшін пайдаланатын көптеген мүдделі тараптардың қатысуымен диалогтарды әзірлейді және ынталандырады. Өз қызметінде ол әртүрлі білімі, қызығушылықтары мен көзқарастары бар адамдарды оқыту, инновация және өзгеру үшін ортақ тіл табу мақсатында біріктіреді.
Фасилитация - бұл кездесуге немесе жобаға қатысушылар арасындағы тиімді байланысты ұйымдастыру. Бұл кездесудің түсінікті және өлшенетін мақсаттарын белгілеу, қатысушылардың рөлдерін анықтау, мақсаттарға жету үшін дұрыс құралдарды таңдау, топта сенім мен құрмет атмосферасын құру, талқылауға қатысушылардың барлығын мүмкіндігінше тарту және шабыттандыру үшін көмектеседі. Диалогты ұйымдастырушылардың бірі су ресурстары жөніндегі сарапшы Шерхан Сержан болды.
ШҚТУ-дан іс-шараны ұйымдастыруға Экология және ӨТҚ саласындағы құзыреттер орталығының аға ғылыми қызметкері Петрова Ольга қосылды.
Алғашқы жастар Climate Talks диалогының мақсаты - жастарды климаттың өзгеруі туралы ақпараттандыру.
Бірінші күні іс-шара келесі тақырыптарды қамтыды:
- Жастар климаттық мәселелерді шешуде фактор ретінде.
- Аудиториямен "Климат дегеніміз не?» тақырыбындағы диалог
- "Қазақстандағы су ресурстарына климаттың өзгеруінің әсері" тақырыбында аудиториямен интерактивті сессия
- Climate Fresk интерактивті ойыны.
Бірінші күн тапсырмаларды орындау барысында қатысушылар пысықтаған идеяларды белсенді талқылауда өтті.
Екінші күн қатысушылардың аймақ экологиясы және климаттың өзгеруі тақырыбында әңгімелерді жазуға және сторителлингке арналды. Алдағы уақытта қатысушылардың әңгімелері қазақстандық әңгімелер жинағында жарияланады.
Іс-шараға "Қоршаған ортаны қорғау және өмір тіршілігінің қауіпсіздігі" білім беру бағдарламасының 2 курс студенттері және "Су ресурстары" мамандығының 3 және 4 курс студенттері қатысты. Барлығы тапсырмаларды аяқтап, мәреге жете алмады. Іс-шара қорытындысы бойынша ең белсенді студенттер сертификаттармен марапатталды.
Climate Fresk интерактивті ойыны "Қоршаған ортаны қорғау және өмір тіршілігінің қауіпсіздігі" білім беру бағдарламасына оқыту үшін ұсынылды.
