National academy of scientific and innovative research (Қазақстан, Астана) «2024 жылдың үздік студенті» Халықаралық байқауын ұйымдастырды.
Халықаралық конкурс үздіктерді анықтау мақсатында әлемнің түрлі елдерінен келген студенттердің білім деңгейі мен шығармашылығын бағалауға бағытталған болатын.
Байқауға біздің университеттен 6В06102- «Есептеу техникасы және бағдарламалық қамтамасыз ету» ББ 1 курс студенті Қалымбек Ұлан қатысты. Оның PhD, қауымдастырылған профессор Увалиева Индира Махмұтқызының жетекшілігімен орындалған «Development of a software application for the diagnosis of diabetes mellitus» тақырыбындағы ғылыми жұмысы конкурстық комиссияның жоғары бағасына ие болды.
Ұлан Халықаралық байқаудың жүлдегері атанды және І дәрежелі Дипломмен, «Жылдың үздік студенті -2024» төсбелгісімен марапатталды.
Студент пен ғылыми жетекшіні жеңісімен құттықтаймыз! Зор денсаулық, болашақта жарқын жеңістер тілейміз!
