Д. Серікбаев атындағы ШҚТУ-дың әскери кафедра қызметкерлері студенттермен онлайн кездесу өткізді. Бұл шара ҚР Қарулы Күштерінің құрылған күніне орай ұйымдастырылды.
Әскери кафедра офицерлері «Зымыран-артиллериялық қару - жарақ пен автомобиль техникасын жөндеу және пайдалану» циклінің бастығы запастағы подполковник Ерлан Қалиақпаров, аға оқытушы запастағы подполковник Владимир Зуев және оқытушысы подполковник Мұхтар Оразалинов студенттерге лекция түрінде еліміздің әскері жайында ақпарат берді. Сонымен қатар, университеттің әскери кафедрасының қалыптасуы жайында баяндады.
ШҚТУ-дың әскери кафедрасының 50 жылдан астам тарихы бар. Онда осы уақыт ішінде 9 мамандық бойынша 6000 аса запастағы офицер даярланды. Оқытушылар кафедраның мүмкіншіліктері мен оны меңгерудің артықшылықтары жайында да сөз қозғады.
Ал, студенттер өз кезегінде қызықтырған сұрақтарын қойып, оған тұшымды жауап ала алды.
