3 желтоқсан күні университетіміздің «Foundation» тындаушылары мен пән оқытушылары арасында Қазақстан Республикасының Тәуелсіздігінің 30 жылдығына арналған ашық тәрбие сағаты болды. Ашық сабақты қазақ тілі мен әдебиеті пәнінің оқытушысы Абилмажинова Ләйлә Қазезбекқызы ZOOM платформасы арқылы өткізді.

Сабақтың мақсаты: Тәуелсіз Қазақстан Республикасының өткені мен болашағы, даму тарихы туралы мағлұматтар бере отырып, келешекке сеніммен қарауға, елжандыққа, ұлтын сүюге, қастерлеуге үйрету. Өз Отанына, туған жеріне деген сүйіспеншілігін арттыру. Өз ана тілін, әдет-ғұрпын, салт-дәстүрін сақтауды тыңдаушылардың бойына дарыту. Оқытушы сабақта «Туған жер-алтын бесігім» деген сөзге ассосиация жасап, ойларын тыңдады. Тыңдаушылар да «Тәуелсіздік», «Туған жер» тақырыбында өлеңдерден жыр шашу етті. Сабақта берілген әр тапсырманы қызығушылықпен орындап, белсенділік танытты.

Сабақтың соңында тыңдаушылармен бірге «Көк тудың желбірегені» әні шырқалды. Тәуелсіздігіміздің тұғыры биік, егемендігіміз баянды болсын.