Республикалық «2022 жылғы Жоғары оқу орнының үздік оқытушысы» байқауы жеңімпаздары белгілі болды. Қазақстандық 43 Жоғары оқу орындарынан 150 оқытушы жеңімпаз атанса, олардың екеуі Д. Серікбаев атындағы ШҚТУ мамандары.
Оқытушылар ақшалай ынталандыру және «2022 жылғы Жоғары оқу орнының үздік оқытушысы» төсбелгісімен марапатталды.
Көнкурс туралы қысқаша айта кетейік. Конкурсқа еліміздің 71 жоғары оқу орнынан барлығы 775 үміткер қатысты. Мұнда электронды оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т.б. сияқты көрсеткіштер, сондай - ақ үміткердің оқыту сапасы, оның бакалавриатта, магистратурада және докторантурада кадрлар даярлау жөніндегі еңбегі бағаланады.
Үздіктер қатарында жұлдызы жанған оқытушыларымыз Самат Рақымғалиұлын және Меруерт Әділқанқызын университет басшылығы, ұжымы атынан шын жүректен құттықтаймыз! Жеке қабілеттеріңізді шыңдай отырып, өз қызметтеріңізде ең үздік деп мойындалу - бізге мақтаныш! Жаңа жылда еңбектеріңіздің жемісін көріп, келер жылда бұдан да мол табыстарға жете беріңіздер!
