29 қазан күні 2022 жылы «Soleil» клубында жаңа кездесу өтті. Біздің қонағымыз, Польшадан келген профессор - Arkadiusz Gola, Бизнес және кәсіпкерлік мектебіне келген. Шет елден келген профессор студенттерге Люблин қаласы туралы, Люблин университеті туралы әңгімелеп берді. Сонымен қатар, Польша ұлтының халық әнін, бейнебаянын көрсетті. Студенттерді Польша қаласымен, ұлттық дәстүрлерімен, ұлттық киімдерімен таныстырды. Жалпы кездесу ағылшын тілінде өтті.
Біздің студенттер өз презентацияларын жариялады. 22-ТФК-1 тобының мүшесі Болатбек Рауан Шығыс Қазақстанның табиғаты, 22-ГФМК-1 тобының мүшесі Оразова Айсұлу қазақ халқының салт-дәстүрлері туралы әңгімелеп берді. 21-МК-1 тобының мүшесі Давид Борозинец Өскемен қаласы туралы презентациясын көрсетіп, өзі жақсы көретін жолдарды, велосипед арқылы қаланы аралап жүргені туралы айтып өтті.
Келген қонақпен әңгімелесу атмосферасы өте көңілді, әрі қызықты болды. Студенттерге қатты ұнады! Болашақта тағы да қызықты кездесулер болады деп үміттенеміз!
Наргиз Сайлаубекова 22-ВТК-1
