2023 жылы 21 қаңтар күні «Soleil» клубында жаңа кездесу өтті. Клуб басшысы «Қазақстан тарихы және әлеуметтік-саяси пәндер» кафедрасынынң аға оқытушысы Уалиева Сауле Қабдымүлікқызы студенттерді мотивация беретін жаңа кітаптармен таныстырды. Кездесуде өте қызық тақырыптар туралы әңгімелестік. Жаңа қатысушылар өздерін ағылшын тілінде таныстырып, бірге жұмыс істеді.
Осы жолы Қазақстан тарихындағы сақтардың мұрасы туралы және Шығыс жерінен табылған алтын жәдігерлер туралы талқыладық. Ұлы даланың сақ-скифтері өнеріндегі «Аң стилі» және алтын әшекейлердің сипатамасын көрсетіп талдадық. Студенттер кездесуде ағылшын және қазақ тілдерінде сөйледі, бір біріне түсенбеген сөздерді аударып отырып. Біздің студенттер 22-ВТК-1 тобының мүшесі Сайлаубекова Наргиз және 22-ТФК-1 тобының мүшесі Болатбек Рауан кездесуде белсенді болып, келесі жолы жаңа кітаптарды оқып келіп - бірге талдауға ұсыныс берді.
Жалпы кездесу өте көңілді, әрі қызықты өтті. «Soleil» клубындағы әр кездесу студенттерге тілді дамытуға керемет жақсы мүмкіншілік береді және арнайы ағылшын тілінде еркін сөйлеуге қоршаған ортаны қалыптастырады. Студентер оқу сабақтарынан алған білімдерін басқа да құрдастарымен сұхбаттасу кезінде пайдаланады және өздерінің әлеуметтік капиталдарын дамытады.
Болашақта «Soleil» клубы жұмысын жалғастырады деп үміттенемін. Мен жастарға сенемін!
Сауле Уалиева
