Д. Серікбаев ат. ШҚМТУ қабырғасында «1С технологиялары бойынша студенттік ғылыми-практикалық конференция» өткізілді. Аталмыш іс-шараға қаламыздың жоғары оқу орындары мен колледждерінің студенттері қатысты. Конференция аясында студенттердің дипломдық жобаларының алдын-ала қорғауы өткізілді.
Сондай-ақ, іс-шараға «Информатика және бағдарламалық қамтамасыз ету» мамандығы бойынша білім алатын жоғары техникалық колледж студенттері оқу тәжірибесі аясында қатысуға мүмкіндік алды.
Конференцияның мақсаты – студенттерге оларды болашақта қандай дипломдық жобалар күтіп тұрғанын және қандай тәжірибелік білім-білік алу керектігін көрсету. Сонгымен қатар қатысушылар болашақ түлектерге сұрақтар қоюға мүмкіндік алды. Іс-шараға қатысушылар 1С платформасы бойынша білім деңгейін анықтауға бағытталған интерактивті ойынға қатысты. Осылайша, олар 1C компаниясының өкілдері алдында өздерінің біліктілік деңгейлерін көрсете алды. Бұған себеп – бұл компания жас және дарынды талапкерлерді ғана іздейді.
Интерактивті ойын нәтижесінде қатысушылар ынталандыру сыйлықтарымен марапатталды.
Ю. Новак
