Д.Серікбаев ат. ШҚМТУ студенттерінің ҚР Парламенті Мәжілісінің депутаттары Құралай Қаракен және Глеб Щегельскиймен кездесу өтті. Іс-шара сондай-ақ, Д.Серікбаев ат. ШҚМТУ ректоры Жасұлан Шаймардановтың, «Нұр Отан» партиясының ӨҚФ төрағасының бірінші орынбасары, Өскемен  қаласының мәслихат депутаты Майраш Екібасованың, Оқу және әдістемелік істер жөніндегі проректоры Сауле Рахметуллинаның,  Ғылыми жұмыс және инновация жөніндегі проректоры Олег Гавриленконың қатысуымен өтті. Кездесу барысында тараптар Елбасымыз ұсынған 5 әлеуметтік бастаманы жүзеге асыру мәселелерін талқылады.

ҚР Парламенті Мәжілісінің депутаты Глеб Щегельский студенттерге өзінің құттықтау сөзін жеткізді. Ол ҚР Президенті Н.Назарбаев ұсынған 3-бастама  жастар үшін ең маңызды және өзекті болып табылатынын атап өтті.

Өз кезегінде, ҚР Парламенті Мәжілісінің депутаты Құралай Қаракен университет студенттері алдында сөз сөйледі.

– Сендер аға буын үміт артқан жас ұрпақсыңдар, - деді ол.

Кездесу диалог түрінде өткізіліп, қатысушылар сұрақтарын қою мүмкіндігіне ие болды.

Сондай-ақ, қонақтар үшін ШҚМТУ-дың бас оқу ғимараты, зертханалары мен ғылыми-зерттеу және өндірістік алаңдарына экскурсия ұйымдастырылды.