KAZ Minerals тобы - Қазақстандағы ең ірі мыс өндіруші компания, дамудың жоғары әлеуетіне ие және карьерлік өндірісті кеңейтуге бағытталған төмен шығынды өндірісті дамытуға арналған.
KAZ Minerals жаңа Brand Ambassador Kaz Minerals жобасын іске қосты. Компания Қазақстанның барлық жоғары оқу орындарының студенттері арасында белсенді, команда құрамында болуға және брендті ілгерілетуге дайын студенттерді іріктеуді ұйымдастырды.
Біздің Д.Серікбаев атындағы Шығыс Қазақстан техникалық университетінің «Металлургия» мамандығының студенті Анастасия Федюшина өз өтінімін беріп, жеңімпаз атанды.
Ол өз әсерлерімен бөлісті:
"Мен KAZ Minerals компаниясының Brand Ambassador-ы болу үшін екі іріктеу кезеңінен өттім - бұл мен үшін үлкен құрмет әрі маңызды қадам.
Алғашқы кездесу Актогайда өтті және екі күн бойы жаңа білімдер мен әсерлерге толы болды.
Бірінші күні біз қауіпсіздік техникасы бойынша оқып, жеке қорғау құралдарын алдық, бұл өндірісте жұмыс істегенде өте маңызды. Ең қызықты сәттердің бірі VR көзілдірігі арқылы оқу болды - бізге виртуалды шындықта дәнекерлеу және насос құрастыруды қалай меңгеретінін көрсетті. Бұл компанияның уақыт талабына сай, жаңа технологияларды енгізуге деген ұмтылысын көрсетеді. Сондай-ақ, карьерді аралап, бульдозер жүргізу тренажерінде тәжірибе жасадым - бұл өте қызықты әрі пайдалы тәжірибе болды.
Тұратын орын «Туран» вахталық кентінде ұйымдастырылды, барлық жағдайлар өте жақсы жасалған. Тамақ дәмді, теңдестірілген және әртүрлі болды, бұл күні бойы күш берді. Бос уақытымызда спортзалға баруға, үстел теннисін ойнауға, бильярдпен айналысуға, караокеде ән салуға, компьютерлік және PlayStation ойындарын ойнауға немесе арнайы автоматтан балмұздақ жеуге мүмкіндік болды - қызметкерлердің жайлылығына деген қамқорлық әрбір детальдан көрінеді.
Екінші күні біз сульфид және оксид фабрикаларын аралап, мыс концентратын және таза мысты алу процесінің барлық кезеңдеріне толығымен шолу жасадық. Өндірістің толық автоматтандырылғаны мені таң қалдырды, ал компания қауіпсіздікке ерекше көңіл бөліп, қызметкерлерге үнемі тренингтер өткізеді.
Бұл екі күн мен үшін тамаша тәжірибе болды және KAZ Minerals компаниясының бөлімі болуға деген ұмтылымымды тағы да күшейтті."
Анастасияны құттықтаймыз және университетімізде болашағына қызығушылық танытатын студенттердің білім алып жатқанын мақтан тұтамыз!
