Д.Серікбаев атындағы Шығыс Қазақстан техникалық университетінің магистранттары, докторанттары мен оқытушылары үшін, «ҮМЗ» АҚ ғылыми орталығының бастығы Қылышқанов Манарбек Қалымұлы «Металлургия және ғылым: ҮМЗ саланы дамытудағы рөлі» тақырыбында дәріс оқыды.
Ол ғылымның өндірістегі маңыздылығы туралы, атап айтқанда 1952 жылы «ҮМЗ» АҚ ғылыми орталығын құру қажеттілігі туралы егжей-тегжейлі айтып берді. Сол кезде орталықтың алдында негізгі өндірістерде технологияны әзірлеу және енгізу, авторлық қадағалау, инновациялық жобаларды әзірлеу, ғылым және ғылыми-техникалық қызмет саласындағы жұмыстар үшін БҒМ аккредитациясын алу сияқты міндеттер тұрды.
Бүгінде «Қазатомөнеркәсіп» ҰАК» АҚ тапсырыстары бойынша ғылыми-зерттеу жұмыстарын сондай-ақ, бөгде тапсырыс берушілерге қызмет көрсетуді және ғылыми орталық негізгі жұмыс істеп тұрған өндірістерді сүйемелдейді.
Орталықтың құрылымына келесі зертханалар кіреді: уран зертханасы, бериллий зертханасы, тантал зертханасы, инновациялық зерттеулер мен әзірлемелер зертханасы.
Манарбек Қалымұлы ғылыми орталықтың негізгі қызмет түрлері, «ҮМЗ» АҚ бөлімшелерінің ішкі өзара іс-қимылы және сыртқы ынтымақтастық, өндіруші кәсіпорындардың технологияларын, жоғары қайта бөлу өнімдерін жетілдіру бойынша орындалған жобалар және т.б. туралы айтып берді.
Қонақ дәрісі өзектілігі мен мазмұнының арқасында тыңдаушыларға терең әсер қалдырды.
Тыңдаушылар ҮМЗ-ның жалпы металлургия саласын дамытудағы әсері туралы, сондай-ақ ғылыми әзірлемелер мен инновациялық технологиялар өндірістік процестерді жақсартуға қалай ықпал ететіні туралы білуге бірегей мүмкіндік алды. Жалпы, дәріс университеттің білім беру процесінде маңызды іс-шара болды, бұл магистранттар мен докторанттарға металлургия ғылымы мен өндірісінің теориялық ғана емес, тәжірибе жағын да тереңірек түсінуге мүмкіндік берді.
Университетіміздің білім алушыларының білім алуына қосқан жеке үлесі үшін Манарбек Қалымұлына алғыс айтамыз.
