Д. Серікбаев атындағы ШҚТУ қызметкерлері мен студенттері қоғамда қоршаған ортаны қорғау және экологиялық мәдениетті қалыптастыру мақсатында еліміз бойынша өткізіліп жатқан «Таза Қазақстан» акциясына қатысып, белсенділік танытты.

Осы демалыс күндері олар университет жатақханаларына іргелес жатқан аумақтарды, сондай-ақ қала көшелерін, тротуарлар мен аулаларды тазартты. Мұндай шаралар қоршаған ортаға мейіріммен қарауға және экологиялық мәдениетті қалыптастыруға септігін тигізеді.

ШҚТУ студенттерінің айтуынша тазалық бір күндік жұмыс емес, сондықтан да қоршаған ортаның үнемі таза болуына әрбір тұрғын өзін жауапты сезінсе қаламызда тазалық сақталатыны анық.