Бизнес және кәсіпкерлік мектебінің студенті Раушан Қабдолданова ҚР Тұңғыш Президенті-Елбасы қорының шәкіртақысына ие болды. Нұрсұлтан Назарбаев Қорының атаулы студенттік стипендиялары студенттердің оқу, ғылыми, спорттық және шығармашылық қызметін ынталандыру үшін беріледі.
Раушан бірінші курстан бастап ғылыми қызметпен айналысады: семинарлар мен конференцияларға, ғылыми конкурстарға белсенді қатысады.
Бизнес және кәсіпкерлік мектебінің білім алушылары түрлі ғылыми байқаулардың жүлделі орындарына ие болып, ғылыми-зерттеу қызметінде өздерінің жоғары әлеуетін растайтыны қуантады. Осылайша, 3-курс студенті Томирис Тоқтарбекова «Менеджмент» мамандығы бойынша студенттердің ғылыми-зерттеу жұмыстарының жыл сайынғы республикалық конкурсының II-ші кезеңіне қатысты. Ғылыми жетекшісі-қауымдастырылған профессор Мадина Рахымбердинова. Байқауда республиканың 11 жоғары оқу орнынан екі тілде (орыс, қазақ) 12 ғылыми жұмыс қаралды.
Студенттерге салтанатты түрде қор стипендиатының құжаты және ғылыми-зерттеу байқауы жүлдегерінің дипломы табыс етілді. Томирис пен Раушанды жетістіктерімен құттықтаймыз және жаңа жеңістер тілейміз!
