Д. Серікбаев атындағы ШҚТУ –дың «Абай» клубының мүшелері ағымдағы жылдың 30 тамызында өткен Республикалық «Абай-175 челленджі» сайысына қатысты. Бұл шараны С.Сейфуллин атындағы Қазақ агротехникалық университеті ұйымдастырды.

Сайыс ережесі бойынша ЖОО студенттері өлең құрастырудан және мәнерлеп оқудан онлайн бақ сынасты. Университетіміздің атынан қатысқан Нұрбекұлы Әлтайыр мен Хажайв Күміс өз ақындық өнерлерін ортаға салды. Сайысқа еліміздің әр өңірінен студенттер қатысты.

Әділқазылар мүшесі жас ақындарды әділ бағалады. Сайыстың қорытындысы бойынша Хажайв Күміс 2-орынды иеленсе, Нұрбекұлы Әлтайыр алғыс хатпен марапатталды.