Д. Серікбаев атындағы ШҚТУ-да шахмат үйірмесінің ашылуы студенттер арасында шахматты дамытуға жаңа серпін беріп қана қоймай, университеттің мәдени өмірін байыта түсетіні сөзсіз. Сондай-ақ, алдағы уақытта ШҚТУ басқа үйірмелермен ынтымақтаса отырып, бірлескен іс-шаралар, кәсіби шахматшылармен кездесулер ұйымдастыра алады, бұл студенттер үшін қосымша ынталандыру болмақ.
- Мен үшін ШҚТУ-да шахмат үйірмесінің ашылғанына өте қуаныштымын. Өйткені, дәл осы оқу орнының базасында Қазақстан чемпионаты өтіп, мен жасөспірімдерден кәсіпқой ерлер спортшысына ауыстым. Бірнеше жыл қатарынан Чемпионатта жеңіске жете алмай жүрдім, бірақ 2001 жылы ШҚТУ-да жарыс өтіп, ерлер арасында Қазақстан чемпионы атандым», - деді Қазақстан шахмат федерациясының бірінші вице-президенті Дәрмен Сәдуақасов. - Бір күні біз Қазақстанда Дүниежүзілік шахмат Универсиадасын өткіземіз деп үміттенемін және бұл Универсиадаға Кембридж, Гарвард және Оксфорд командаларымен қатар еліміздің командалары, соның ішінде ШҚТУ командасы қатысады.
Шахмат клубының ашылуы аясында Д.Серікбаев атындағы ШҚТУ мен Қазақстан шахмат федерациясы университетте және өңірде шахмат қозғалысын дамытуға бағытталған ынтымақтастық туралы меморандумға қол қойды. Құжатқа қол қою рәсіміне Қазақстан шахмат федерациясының бірінші вице-президенті Дәрмен Сәдуақасов, Шығыс Қазақстан шахмат федерациясының төрағасы Анвар Рахимов және ШҚТУ басқарма төрағасы және ректоры Сәуле Рахметуллина қатысты.
- Шахмат - өмір бойы қолданылатын ақыл-ой дағдыларын дамытатын бітпейтін ақыл-ой жаттығуы, мысалы: назар салу, сын тұрғысынан ойлау, абстрактілі ойлау, есептерді шешу, бейнелерді тану, стратегиялық жоспарлау, шығармашылық, талдау, синтез және бағалау.Соңғы жылдары елімізде шахматты дамытуға ерекше назар аударылып жатыр, бұл ел президенті Қасым-Жомарт Кемелұлының қолдауымен жүзеге асырылуда. 2023-2027 жылдарға арналған Қазақстан Республикасында шахматты дамыту жөніндегі кешенді жоспарға сәйкес, елімізде жастардың шахмат ойнауына барлық жағдайлар жасалуда. Мектептерде көптеген үйірмелер ашылып, шахмат сабағының өтуі соның айқын дәлелі. Қазақстан Республикасы Шахмат федерациясына көрсеткен демеушілік көмектері үшін және біздің айтулы шараға қонақ ретінде қатысқаныңыз үшін шын жүректен алғысымды білдіремін», - деп атап өтті Сәуле Рахметуллина.
Енді тараптар студенттер, оқытушылар және талапкерлер арасында шахматтан бірлескен спорттық турнирлер, семинарлар, тренингтер мен шеберлік сабақтарын өткізіп, ынтымақтастықты дамыту мен нығайта алады.
- ШҚТУ әкімшілігіне ұйымдастырудағы көмегі үшін алғысымды білдіргім келеді, өйткені біз бір апта бұрын шахмат сыныбын ашу мәселесін талқылап отырған едік, сіздер барлығын жедел әрі сапалы түрде жүзеге асырдыңыздар. Әлемнің барлық университеттерінде шахмат сабақтары мен үйірмелері бар, біздің университеттер де солардан кем соқпайды және жақын арада олармен бірдей деңгейде бәсекеге түседі деп сенемін», - деді ШҚО шахмат федерациясының төрағасы Анвар Рахимов.
Қазақстанда шахматқа деген сұраныс өте жоғары, ал қазақстандық шахматшылар халықаралық аренада көптеген жылдар бойы жоғары нәтижелер көрсетуде. Жаңа шахмат клубы ШҚТУ студенттері мен қызметкерлері арасында осы зияткерлік спорт түрін насихаттауда маңызды қадам болмақ.
