Д. Серікбаев атындағы ШҚТУ-дағы Ғылым апталығы аясында мектептік "жасыл" идеялар конкурсы өтті. Конкурстың қорытындысы Қаныш Сәтбаевтың 125 жылдығына арналған "Қазақстанның инновациялық дамуы-жастардың шығармашылығы" атты студенттер, магистранттар, докторанттар мен жас ғалымдардың Х Халықаралық ғылыми-техникалық конференциясының қорытынды пленарлық отырысында шығарылды.
Конкурс жеңімпазы болып "Алтай қаласының №6 орта мектебі" КММ 2 сынып оқушысы Ситникова Евгения атанды. Ол 1 дәрежелі дипломмен марапатталды. Конкурсқа Евгения мен оның жетекшісі Жақсылықова Галима Болатбекқызы "Кішкентай батарейканың үлкен зияны" тақырыбында сынып сағатының сценарийін ұсынды. Жұмыстың презентациясында бұл білім беру іс-шарасының №6 Алтай орта мектебінің бастауыш сыныптарында қалай өткені туралы көрсетілген болатын.
Конкурстың басқа қатысушылары да қызықты жұмыстарды ұсынды. "Қоршаған ортаны қорғау және өмір тіршілігінің қауіпсіздігі" білім беру бағдарламасының конкурстық комиссиясы барлық конкурстық жобалардың жақсы әзірленгенін атап өтеді. Сондықтан жүлделі орындарға ие болмаған қатысушылар сертификаттармен, ал олардың жетекшілері алғыс хаттармен марапатталды.
Барлық қатысушыларға конкурсымызды қолдағаны үшін алғыс айтамыз. Барлықтарыңызға ғылыми шығармашылық табыстар тілейміз.
Дипломдар, сертификаттар, хаттар
