Д. Серікбаева атындағы ШҚТУ-да EduWeek EKTU-2024 академиялық апталығының бесінші күні кәсіптік бағдар беру аясында өтуде. Индустриялық серіктестермен - «Өскемен ГЭС АЭС» ЖШС «Шүлбі ГЭС АЭС» ЖШС және «Өскемен ЖЭО» ЖШС бірлесіп, Өскемен қаласының мектеп оқушылары үшін энергетикадағы өндірістік міндеттерді шешуге арналған Хакатон өткізді.
Жарысқа қаланың 13 мектебінен барлығы 10 құрама команда қатысты. Хакатон бағдарламасы 3 раундтан тұрды: Kahoot көмегімен 1 ойын раунды, 2 раунд блиц-сауалнама, 3 раунд серіктес кәсіпорындардың өндірістік міндеттерін шешу.
Хакатон қатысушыларының жұмысын бағалау үшін өндірістен құзыретті мамандар шақырылды: «Біріккен энергосервистік Компания» АҚ бас инженері Алтай аймағы Тайтиков Болат Тілеуханұлы (қазылар алқасының төрағасы); «Өскемен СЭС АЭС» ЖШС электр цехының бастығы Селиванов Владимир Александрович; «Согра ЖЭО» ЖШС Өндірістік-техникалық бөлімінің бастығы Пантелеев Михаил Алексеевич; «Өскемен СЭС АЭС» ЖШС қызметкерлермен жұмыс және әкімшілік мәселелер бөлімінің бастығы Боранбаева Зульфия Нұртасқызы, сондай-ақ ШҚТУ-дан қазылар алқасының құрамына Сәулет, Құрылыс және энергетика Мектебінің деканы Ақаев Айбек Мұратбекұлы енгізілді.
Хакатонның шиеленісті күресінің үш раундының қорытындысы бойынша: 3 орынды № 46 орта мектеп командасы; 2 орынды № 34 мектеп - лицей командасы; 1 орынды М. Әуезов атындағы № 17 орта мектеп командасы иеленді. Сондай-ақ, Ахмет Байтұрсынов атындағы № 20 орта мектебі мен Шоқан Уәлиханов атындағы № 3 мектеп-лицейінің командалары көтермелеу сыйлықтарымен марапатталды.
Сондай-ақ, Хакатон аясында "Менің мамандығым - энергетик" тақырыбы бойынша эссе байқауының қорытындысы шығарылды. Жүлделі орындарға ие болғандардың барлығына сыйлық сертификаттары, хакатонда жүлделі орындарға ие болған командаларға дипломдар мен естелік сыйлықтар, сондай-ақ командалардың барлық қатысушыларына сыйлық сертификаттары табыс етілді.
Серктестеріміз «Өскемен ГЭС АЭС» ЖШС және «Шүлбі ГЭС АЭС» ЖШС Бас директоры Айдабулов Тілек Исламбекұлына көрсетілген көмек үшін үлкен алғысымызды білдіреміз.
