Юрий Баталов - 1986 жылы Өскемен құрылыс-жол институтының ректоры қызметін атқарды. Ол 2000 жылға дейін университетті басқарып, оның арқасында ШҚТУ Қазақстанның жетекші техникалық жоғары оқу орындарының біріне айналды.
Алдымен құрылыс инженері мамандығын меңгерген студент ретінде, содан кейін оқытушы, одан әрі факультет деканы, проректор және Өскемен құрылыс-жол институтының ректоры, кейін Шығыс Қазақстан мемлекеттік техникалық университеті ректоры қызметін атқарды.
50 жылдан астам уақыт бойы еліміз үшін инженерлік кадрларды даярлау жолында қызмет еткен университеттің құрметті ардагері Ю.В. Баталов бүгін 85 жылдық мерейтойын тойлауда.
Юрий Васильевичтің ел алдындағы еңбегі көптеген наградалармен және құрметті атақтармен марапатталды, олардың арасында «Қазақстанның білім беру үздігі» Құрмет белгісі, «Астана» Естелік медалі, Қазақ КСР Жоғарғы Кеңесі Президиумының Құрмет грамотасы, ҚР Білім Министрлігінің грамоталары, Қазақстан Республикасы кәсіподақ ОК және Кәсіподақ федерациясының Құрмет грамоталары, «Еңбек ардагері» медалі, Қазақстан Республикасының Президенті мен Білім Министрлігінің алғыс хаты. «ХХ ғасырдың көрнекті тұлғалары», «Қазақстан элитасы» және «Шығыс Қазақстан элитасы» кітаптарында есімі жазылған.
Осы айтулы күні Юрий Васильевичті шәкірттері, әріптестері, бұрынғы студенттері, достары құттықтауға келді. Мерейтой иесіне құттықтау хаттары Қазақстан Республикасының Ғылым және жоғары білім министрі Саясат Нұрбек пен Шығыс Қазақстан облысының әкімі Ермек Көшербаевтан келді. Оның әріптесі, сондай-ақ ШҚТУ-дың бұрынғы ректоры, ҚР Ұлттық Инженерлік академиясының академигі Нұрлан Темірбеков Юрий Баталовқа «Ұлттық инженерлік академия» медалін табыс етті.
Сонымен қатар, Қазақстан-Америка Еркін университетінің Президенті Ережеп Мәмбетқазиев пен С. Аманжолов атындағы ШҚУ академиялық мәселелер жөніндегі проректоры Нұрлан Әлімбеков мерейтой иесін құттықтап, жылы лебіздерін білдірді.
Ардагерлер атынан Столярова Лилия Викторовна, Ипалаков Төлеген Тұрсынұлы, Назбиев Жақсыгелді Тұсұпқанұлы, Чикунов Олег Николаевич, Милицина Ольга Викторовна, Линок Николай Николаевич және Сергиенко Любовь Спиридоновна құттықтады.
Юрий Васильевичтің шәкірттері атынан «Восток молоко» корпорациясының директоры Сейлжан Сайлаубаев, сондай-ақ ШҚТУ Бизнес мектебінің өкілдері құттықтады.
Университетте жұмыс істеген көптеген жылдар ішінде Юрий Васильевич университеттің басшысы ғана емес, сонымен бірге мықты командасын құра алды. Бүгінде бұл Юрий Васильевичтің әріптестері, шәкірттері ғана емес, оның достары болып табылады.
Еңбегі еленген ардагер Ю. В. Баталовтың атын Д. Серікбаев атындағы ШҚТУ Ғылыми кеңесі университеттің Г1 корпусына беру туралы шешім қабылдады. Оның өмірбаяны, өмірдің маңызды сәттері, сондай-ақ сұхбатқа сілтеме жасалған QR коды қазір Баталов корпусының екінші қабатының қабырғасында орналасқан.
