Оқушылардың күзгі демалыс күндерін ұтымды қолдану мақсатында облыстың Өскемен, Риддер қалаларының және аудандардың 11-сынып мектеп бітіруші түлектеріне арналған Д. Серікбаев атындағы Шығыс Қазақстан техникалық университетінде «Пайдалы демалыс» дайындық курстары басталды. Дайындықта ҰБТ-ның бейіндік пәндері: математика, физика, информатикадан бір апта бойы тегін сабақтар өткізіледі. Сонымен қатар курс тыңдаушылары университет дайындайтын мамандықтармен танысып, ғылыми зертханалар, мұражай, шеберханаларға саяхат жасайды және психологтардан ҰБТ-ға дайындалудың пайдалы кеңестерін алады.