26 наурыздан бастап Д. Серікбаев атындағы Шығыс Қазақстан техникалық университетінде пластикалық бөтелкелерді жинауға арналған экологиялық байқау өтті. Бұл шара қоршаған ортаға бей-жай қарамайтын студенттерді, қызметкерлерді және қала тұрғындарын ортақ игі іске жұмылдырды. Байқау — әрқайсымыздың табиғатты қорғауға өз үлесімізді қоса алатынымыздың жарқын үлгісі болды.
Экологиялық байқау "Таза Қазақстан" экологиялық мәдениетін дамытудың 2024–2029 жылдарға арналған тұжырымдамасын жүзеге асыру аясында, сондай-ақ республикалық "3.2.1. Бастау!" жобасын қолдау мақсатында ұйымдастырылды. Акцияның басты мақсаты – тек пластикалық қалдықтардың санын азайту емес, сонымен қатар азаматтардың табиғатқа деген саналы әрі белсенді көзқарасын қалыптастыру болды.
Қатысушылардың жоғары қызығушылығы мен белсенділігінің арқасында байқау 31 мамырға дейін ұзартылды. Осы кезең ішінде көптеген адамдар өздерін нағыз эко-батырлар ретінде көрсетті. Енді біз үлкен қуанышпен байқауға белсене қатысқан алты үздік қатысушының есімдерін жариялап отырмыз – олар дипломдармен және естелік сыйлықтармен марапатталады.
Біз ШҚТУ-дың осындай игі әрі маңызды бастамалардың ордасына айналғанын мақтан тұтамыз және бұл акциялар жақсы дәстүрге айналады деп сенеміз. Бірге болсақ – қаламызды таза, болашағымызды жарқын ете аламыз!
Байқау жеңімпаздары:
1 орын
- Аружан 7777 . . . . . . 97 - 192 бөтелке
2 орын
- Галина 7777 . . . . . . 27 - 164 бөтелке
- Кристина 7705 . . . . . . 98 - 153 бөтелке
3 орын
- Рузанна 7777 . . . . . . 87 - 111 бөтелке
- Валерия 7777 . . . . . . 36 - 65 бөтелке
- Ерболат 7777 . . . . . . 19 - 58 бөтелке
Байқау «Өскеменспецкомунтранс» ЖШС-нің, «Sparklo» компаниясының (экологиялық таза технологиялар саласындағы) және «3.2.1. Старт!» жобасының қолдауымен өтті.
