Наурыз жағымды жаңалықтарымен қуантуда! Шығыс жұлдызнамасы бойынша жаңа жыл ШҚТУ-ды ұлы жетістіктерге жетелейді. Ұлыбританиялық Quacquarelli Symonds (QS) агенттігі командасының халықаралық аудиті қорытындысы бойынша Д. Серікбаев атындағы Шығыс Қазақстан техникалық университеті QS Stars University Ratings халықаралық артықшылық рейтингінде жоғары “4 ЖҰЛДЫЗ” бағасына ие болды.
QS Stars – бұл барлық мүдделі тараптарға: әлеуетті студенттерге, серіктестерге, сарапшыларға, ғалымдарға, жұмыс берушілерге университет туралы толық ақпарат беруге бағытталған университеттердің рейтингтік жүйесі. Рейтинг университетті әкімшілік және академиялық қызметтен бастап оқыту мен оқытудағы жетістіктерг түлектерді жұмысқа орналастыру, инфрақұрылым нысандарын және қоршаған ортаға әсерді де 50 түрлі көрсеткіш бойынша бағалайды.
ШҚТУ келесі санаттар бойынша "5 жұлдыз" (өте жақсы) алды:
- Оқыту
- Жұмысқа орналастыру
- Тұрақты даму.
Интернационалдандыру, зерттеу, инфрақұрылым объектілері санаттары бойынша университетке "3 жұлдыз" берілді (өте жақсы). Сондай-ақ, үш жұлдызбен "Тау-кен" білім беру бағдарламасын бағаланды.
Мұндай нәтижелер ШҚТУ-ның жоғары халықаралық мәртебесін, университет қызметінің барлық салаларының сапасын арттыру қағидаттарына берілгендігін, қоғам мен экономикаға ықпал етуге ұмтылысын көрсетеді!
