Халықаралық еріктілер күні қарсаңында Өскемен қаласындағы Өскемен көпсалалы технология колледжінде «Ашық жүрек» облыстық волонтерлер слеті өтті. Іс-шараға Шығыс Қазақстан облысының техникалық және кәсіптік білім беру ұйымдары мен жоғары оқу орындарының волонтерлері қатысты.
Еріктілердің үздік тәжірибелермен алмасу бойынша диалог алаңын ұйымдастыру, жастар ортасындағы тиімді өмірлік стратегия ретінде, еріктілер қозғалысын насихаттау сонымен қатар, волонтерлік топтардың тәжірибе алмасуы және оларды өзара ынтымақтастыққа шақыру мақсатында өткізілген мерекелік шараға Д. Серікбаев атындағы ШҚТУ-дың және ІТ колледждің сыбайлас жемқорлыққа қарсы «Саналы ұрпақ» еріктілер клубының мүшелері қатысты. Д. Серікбаев атындағы ШҚТУ волонтерлері сыбайлас жемқорлыққа қарсы арнайы дайындаған «Еріктілер әнін» орындап, көпшіліктің назарына ұсынды.
Облыстың волонтерлері қатысқан слет соңында Қазақстан Республикасының Сыбайлас жемқорлыққа қарсы іс-қимыл Агенттігінің Шығыс Қазақстан облысы бойынша департамент өкілдері барлық ұйымдардың белсенді жетекшілері мен еріктілерін марапаттап, сыйлықтар табысталды. Қазақстан Республикасының Сыбайлас жемқорлыққа қарсы іс-қимыл Агенттігінің 10 жылдығына орай, сыбайлас жемқорлыққа қарсы жобаларды жүзеге асыруға белсене қатысып, қоғамда сыбайлас жемқорлыққа қарсы мәдениетті қалыптастыруға елеулі үлес қосқаны үшін арнайы грамотамен Д. Серікбаев атындағы ШҚТУ-дың Әлеуметтік және жастар саясаты департаментінің басшысы Жанабаева Гульнара Нуртасовна марапатталды.
«Саналы ұрпақ» клубының мүшелері 23-ЗКК-3 тобының студенттері Ргебек Айаулым Назарқызы, Абзал Жомарт Қамбарбекұлы және ІТ колледж 3 курс студенті Дарын Назарханов сыбайлас жемқорлыққа қарсы жобаларды жүзеге асыруға белсене қатысқаны үшін Қазақстан Республикасының Сыбайлас жемқорлыққа қарсы іс-қимыл Агенттігінің 10 жылдығына орай «Үздік сыбайлас жемқорлыққа қарсы волонотер» Алғыс хатына ие болды.
