15 қарашада ШҚТУ-дың он төрт түлегіне "МИФИ" Ұлттық ядролық зерттеу университетінің (Ресей) дипломдары табыс етілді. Оларды дипломдарымен құттықтауға ата-аналары, туыстары мен достары, сондай-ақ ШҚТУ басшылығы, мектеп декандары мен оқытушылар келді.
"Құрметті түлектер, сіздер Д.Серікбаев атындағы ШҚТУ мен МИФИ оқу орындарының арасындағы достықтың тамаша үлгісі болып табыласыздар. Сіздерге сәттілік, табысты мансап тілеймін. Сіздер Қазақстанда талантты жастардың бар екендігінің көрсеткіші екендеріңізді ешқашан ұмытпаңыздар. Біздің университеттің де, МИФИДІҢ де дипломдары-бұл сапа белгісі, болашақ жұмысқа орналасуға елеулі көмек. Сіздерге өмірде еңселі биіктерге жетулеріңзді, еліміздің, облысымыздың игілігі үшін жұмыс атқаруларыңызды тілеймін", - деп өз құттықтауын PhD докторы, қауымдастырылған профессор, Басқарма мүшесі - академиялық мәселелер жөніндегі проректор Сапарходжаев Нұрбек Пожарбекұлы жеткізді.
Естеріңізге сала кетейік, МИФИ ҒЗИ мен ШҚТУ арасындағы ынтымақтастық 2017 жылдан бастап, жоғары оқу орындарының басшылары бірлескен білім беру бағдарламалары туралы меморандумға қол қойған кезден бастап жүзеге асырылуда. 2019 жылдың желтоқсанында ынтымақтастық туралы меморандумға Қосымша келісім аясында бакалаврлар мен магистрлерді бірлесіп даярлаудың төрт бағдарламасы іске қосылды.
"Біздің екі ЖОО да сапалы және сұранысқа ие мамандар шығаратын мықты университеттер. Бағдарлама күрделі болды деп айтқым келеді, бірақ сіздер оны сәтті аяқтадыңыздар. Мемлекеттік комиссияның басым бөлігі сіздер туралы өте жақсы ойларын білдірді. Бірқатар жоғары оқу орындары бар, олардың бірі МИФИ болып табылады, олардың дипломдары қосымша тексеруден өтпейді, олар тек ТМД-да ғана емес, сонымен қатар шетелдік тізімде."- деді "МИФИ" Ұлттық ядролық зерттеу университетінің өкілі, оқу қызметін ұйымдастыру және университетке қабылдауды қамтамасыз ету басқармасының бакалавриат, мамандық, магистратураға қабылдау бөлімінің бастығы, білім беру бағдарламалары кеңсесінің ядролық физика және технологиялар бөлімінің аға оқытушысы Скрытный Владимир Ильич.
Бакалаврларды бірлесіп даярлау бағдарламалары енгізілген оқыту моделі бойынша жүзеге асырылды және қазақстандық студенттерді ШҚТУ оқытушылары іске асыратын білім беру модульдерін (курстарын) бір мезгілде игере отырып, МИФИ бакалавриат бағдарламаларында оқытуды көздеді.
"Құрметті түлектер, бұл дипломдар сіздің тамаша оқуларыңызбен қатар, біздің ЖОО ұжымдарының атқарған орасан зор жұмысы деп білеміз. Осынау маңызды қадамды еңсеріп, күрделі бағдарламаларды игеріп, аяғына дейін сәтті жетулеріңіз үлкен еңбектің арқасы. Жарайсыздар! Сіздер әрқашан біздің мақтанышымыз боласыздар. Қазіргі уақытта сіздердің дипломдарыңыз өте өзекті, мен кеше ғана Қазақстанда АЭС құрылысын жария талқылаудан өткенін және халықты толғандырған мәселелердің бірі отандық мамандардың жетіспеушілігі мәселесі болғанын атап өткім келеді. Ал қазақстандық нағыз мамандар - сіздер", - деп атап өтті халықаралық Инженерия мектебінің деканы Ақаев Айбек Мұратбекұлы.
2019 оқу жылында "Атом өнеркәсібі саласында кадрлар даярлауға арналған бакалавриат" материалдар мен процестердің физикасы мен химиясы қос дипломы бағдарламасы іске қосылды. Бүгін осы қос диплом бағдарламасының 14 студенті алды: Асетбекова Айғаным Бердібекқызы; Бекболат Лаззат; Бектемиров Арслан Мадиұлы; Ефремов Данил Дмитриевич; Жүнісов Бекжан Нұржанұлы; Зиябек Томирис Алмазқызы; Измайлова Алина Максимовна; Қазезова Жадыра Ерланқызы; Қалышова Дина Ерланқызы; Омарова Жанна Ришадқызы; Оразқызы Диана; Оралқанов Олжас Мақсатұлы Ришатқызы Әнел; Ришатқызы Әсел.
"Екі университеттің басшылығына осындай бірегей бағдарламаға қатысуға тамаша мүмкіндік бергені үшін алғыс айтқымыз келеді. Ол бізге үлкен мүмкіндіктер мен перспективаларға жол ашты. Біздің мамандықтарымыз қазір сұранысқа ие екенін бәріміз түсінеміз, барлық оқытушылар мен кураторларға көмек көрсеткендеріңіз үшін алғыс айтамыз", - деп Бектемиров Арслан Мадиұлы қос диплом бағдарламасының барлық түлектері атынан МИФИ және ШҚТУ оқытушыларына алғысын білдірді.
