Бұқтырма су қоймасының жағасындағы «Простор» жазғы экспедициялық кампусында өткен «EKTU Educational Academy» жазғы инженерлік мектебі өз мәресіне жетті. «Алтай қаласының №7 орта мектебі» мен «Алтай қаласының мектеп-лицейінің» оқушылары жан-жақты даму мүмкіндіктеріне толы бірегей білім беру ортасында уақытты пайдалы өткізді.
Лагерь бағдарламасы ШҚТУ жетекші оқытушылары мен мамандарының инженерлік ойлау мен практикалық дағдыларды дамытуға бағытталған сабақтарын қамтыды. Оқушылар техникалық ғылымдардағы білімдерін тереңдетіп, құнды дағдыларды игеріп қайтты.
Оқудан басқа, қатысушылар ашық аспан астында спорттық іс-шараларға және шығармашылық шеберлік сабақтарына қатысты. Жазғы инженерлік мектеп барлығына жаңа білім көзі ғана емес, сондай-ақ, жарқын естеліктерге толы орынға айналды. Қатысушылар оқытушылар мен ұйымдастырушыларға алғыстарын білдіріп, жаңа достар тауып, алған әсерлерімен бөлісті.
