Шілде айының басында Д. Серікбаев атындағы ШҚТУ оқытушылар делегациясы «Лу Бань шеберханасы» жобасының екінші кезеңі аясында оқудан өту үшін Тяньцзинь қаласына (Қытай) барды. Тағылымдама Тяньцзинь кәсіби институтының (TVI) базасында екі апта бойы өтеді. Биылғы жылы ШҚТУ делегациясының құрамы 30% - ға жаңартылды және университетіміздің магистранттары мен докторанттарын қамтиды.
Сапардың бірінші күні ашылу салтанатынан басталды, онда TVI Президенті Wu Zongbao, ШҚТУ академиялық мәселелер жөніндегі проректоры Машекенова Асия Хасенқызы, Халықаралық инженерия мектебінің профессоры Муздыбаев Мұрат Сейтұлы, сонымен қатар TVI автомобиль инженериясы институтының өкілдері сөз сөйледі.
Тағылымдама бағдарламасы ақпаратқа толы және автомобиль көлігі мен зияткерлік көлік жүйелері саласында заманауи Қытай жабдықтарын қолдану бойынша практикалық дағдыларды игеруге бағытталған.
ШҚТУ делегациясы үшін оқу басталды. Оқытушылар интеллектуалды желілік автомобильдердің жұмысымен, LIDAR жұмыс принципімен және айналмалы 360 градустық камералармен танысты, сондай-ақ Python бағдарламалау тілінде практикалық жұмыстарды орындады.
