Д.Серікбаев ат. ШҚМТУ-да Ректордың гранты сарапқа салынатын «Жас Талап-kz» Көшбасшысы» облыстық олимпиадасы өткізілді.
Олимпиада ойындарының ашылуында ШҚМТУ-дың оқыту және әдістемелік жұмыс бойынша проректоры Сауле Рахметуллина қонақтарға құттықтау сөзін жолдады.
Биыл олимпиадаға қатысуға 200-ден астам талапкер өтнім берді. Бұл - Шығыс Қазақстан облысы мектептерінің үздік оқушылары. Қатысушылар үшін физика, математика, химия және география пәндері бойынша күрделі есептер мен тапсырмалар қарастырылған.
Білім олимпиадасының алауын жағу және «Жас Талап-kz» Көшбасшысы» антын оқу мәртебесі «Жас Талап-kz» Көшбасшысы» 2015 жеңімпаздары, 3 курс студенттері Назерке Есхатоваға және Арзу Габиловаға берілді.
Оқушылар олимпиада тапсырмаларын шешуі барысында, ұстаздары үшін «Уақытты тиімді басқару құралдары» мастер-класы ұйымдастырылды. Бұл шараны кәсіби жаттықтырушы, ШҚМТУ кадр бөлімінің басшысы Татьяна Соловьева өткізді.
Олимпиада нәтижелерін күту уақытында қатысушылар үшін ШҚМТУ бас оқу ғимаратына, зертханаларға, «Үлкен Алтай» мұражайына, политехникалық өнер мұражайының геология залына, кітапханалық ақпараттық орталыққа, робототехника кабинетіне экскурсия ұйымдастырылып, «Сәулет және дизайн» кафедрасының макеттері және шағын сәулет құрылымдары көрсетілді.
Биылғы байқаудың жеңімпаздары: Карина Мусалитова (география) және Диас Зекенов (физика). Бұл оқушылар I-орынына және ҰБТ нәтижесі жеткілікті болған жағдайда бейініне сәйкес келетін таңдаған мамандығы бойынша ШҚМТУ-да ақысыз білім алуға мүмкіндік беретін Д.Серікбаев ат. ШҚМТУ ректорының білім беру грантына ие болды.
Екінші және үшінші орындарға ие болған қатысушылар ШҚМТУ-да білім алуға 20% жеңілдік құқығын қамтамасыз ететін дипломдар мен мақтау қағаздарымен марапатталды.
Д.Серікбаев ат. ШҚМТУ Баспасөз Қызметі
