2025-2027 жылдарға арналған «Жас ғалым» жобасы аясындағы жас ғалымдар зерттеулеріне арналған гранттық қаржыландыру конкурсының қорытындысы мәлім болды. Нәтижесінде Шығыс Қазақстан техникалық университетінің 10 постдокторанты жеңімпаз атанып, жалпы сомасы 290 миллион теңгеден астам гранттық қаржыландыруды иеленді. Жеңімпаздар түрлі ғылыми бағыттар бойынша жұмыстарын жалғастырады. Оларды тізіп шықсақ мынадай болды. Энергия, озық материалдар және транспорт, Озық өндіріс, цифрлық және ғарыштық технологиялар, Экология, қоршаған орта және табиғатты ұтымды пайдалану, Әлеуметтік, гуманитарлық ғылымдар және өнер" ғылым бағыты бойынша "Елдің зияткерлік әлеуеті" саласы бойынша ғылыми бағыттары бойынша үздік атанды.
Жеңімпаздардың ғылыми жобалары мен бағыттары мынадай:
- Шәймардан Нұржан - «Окисленген рудалардың өңдеуінің тиімді кешенді технологиясын жасау» (AP25797107)
- Миниязов Арман Жанарбекович - «Механоактивация және ұшқынды плазмалық агломерация әдістері арқылы W-Cu нанокомпозиттерін жасау» (AP25796151)
- Канапинов Медет Серикович - «Өнеркәсіптік жоғары температурада өздігінен таралатын синтез әдісімен табиғи минералдар мен керамикалық ұнтақтар қосылған жаңа композиттік материалдар алу» (AP25795521)
- Маратұлы Бауыржан - «Медицинада қолданылатын маталарға бактерицидтік әсері бар нанопокрытиялар жасау» (AP25794661)
- Курмангалиев Дамир Болатович - «Қазақстанның мыс қорыту өндірісінің қалдықтарынан құнды компоненттерді тиімді алу технологиясын жасау» (AP25796667)
- Смақанов Бауыржан Серікқанұлы - «Жүргізушінің күйін нақты уақытта бақылау үшін интеллектуалдық сандық жүйе жасау» (AP25795477)
- Базарова Мадина Жомартовна - «STEM әдістері мен заманауи сандық технологияларды біріктіретін оқытушылардың біліктілігін арттыру процесінің бейімделген онтологиялық моделін жасау» (AP25793611)
- Пяткова Анна Павловна - «Шығыс Қазақстанның жұмыс істеп тұрған полиметалдық кен орындарының флангындағы Cu, Pb, Zn концентрацияларын статистикалық әдістермен бағалау» (AP25796663)
- Ескалиев Ертай Талгатович - «Ғарыштық технологиялар, ГИС және терең үйрету ИИ негізінде алтын кен орындарын болжауға арналған комбинированді әдіс жасау» (AP25795761)
- Саденова Асель Маратовна - «Қазақстандағы МСБ бизнес процестерінің сандық бейімделуі және инновациялық өсуі: кедергілерді модельдеу және талдау» (AP25795909)
Бұл жобалар еліміздің ғылыми және технологиялық дамуында маңызды рөл атқаратын бағыттар болып табылады. ШҚТУ ғалымдарының осындай үлкен жетістіктерге жетуі университетіміздің ғылым мен білім саласындағы сапасын және жаңашылдығын көрсетеді. Жобалар Қазақстанның әлеуметтік-экономикалық дамуына, экологиялық мәселелерді шешуге, жаңа технологиялар мен инновациялық тәсілдерді енгізуге бағытталған.
Осы орайда Шығыс Қазақстан техникалық университеті барлық жеңімпаз ғалымдарды шын жүректен құттықтап, олардың ғылыми жұмыстарында одан әрі табыстар мен жаңа жетістіктерге жетулеріне тілектестік білдіреді!
Жеңістеріңіз тұғырлы болсын!
