Қаламыздың мыңдаған тұрғыны 9 мамыр күні "Даңқ полкі" науқанына қатысуға жиналды.

Ұлы Отан соғысына қатысқан аталарының, əкелерінің суреттерін əкелген қала тұрғындары салтанатты шеруге қатысты. Іс-шара барысында ұлттық əндер айтылып, оркестр ойнады. Сондай-ақ жиналған қауым назарына соғыс жылдары тақырыбында дайындалған театрланған қойылымдар ұсынылды.
Шеру Даңқ мемориалында мəресіне жетіп, Мəңгілік алауға салтанатты гүл қою шарасына ұласты.