Шағын ректоратта Д.Серікбаев атындағы ШҚМТУ мен О.Бөкей атындағы мектеп-лицей арасында өзара ынтымақ жөніндегі меморандумға қол қойылды. Бұл маңызды құжатқа ШҚМТУ ректоры Нұрлан Темірбеков пен мектеп директоры Таңатқан Түменбаев қол қойды.

- Бұл мектеппен біздің байланысымыз ертеден бар. Көптеген түлектер біздің университетке түседі. Дайындықтары жақсы,-деді Н.Темірбеков.

- Біздің ынтымағымыз шын мәнінде іскер болуын қалаймын. Оқушыларымызды инженер-техник мамандықтарына бағыттаймыз. Университет олардың терең білім алуына жағдай тудыратынына сенеміз, - деді Т.Түменбаев.

Н.Темірбеков Т.Түменбаевқа «Университет дамуына қосқан үлесі үшін» медалін тапсырды.