Конкурстық комиссияның 2026 жылғы 12 мамырдағы №6 хаттамасына сәйкес 2026 жылғы сәуір айының қорытындысы бойынша «Д. Серікбаев атындағы ШҚТУ-дың айдың үздік қызметкері» атағы Жер туралы ғылымдар мектебінің аға оқытушысы Лутай Сергей Сергеевичке берілді.
Жоғары кәсіби бағалау Қазақстан Республикасы Президенті Қасым-Жомарт Тоқаевтың Жарлығына сәйкес «Ерен еңбегі үшін» мемлекеттік медалімен марапатталуына, көпжылдық жемісті ғылыми-педагогикалық қызметіне, білікті мамандар даярлауға қосқан елеулі үлесіне, ғылыми зерттеулерді дамытуға және заманауи технологияларды енгізуге, сондай-ақ ғылыми және білім беру қызметіндегі белсенділігіне, ғылыми жобаларды іске асыруға қатысуына, студенттерді республикалық пәндік олимпиадаларға дайындауына және қолданбалы ғылым бағыттарын дамытуға қосқан үлесіне байланысты берілді.
Лутай Сергей Сергеевич Құрмет грамотасымен және белгіленген еңбекақы қоры шегінде лауазымдық айлықақының 50 % мөлшеріндегі біржолғы ақшалай сыйақымен марапатталды.
Сергей Сергеевичті құрметті атақтың берілуімен шын жүректен құттықтаймыз және университеттің дамуына қосқан елеулі үлесі, жоғары кәсібилігі мен көпжылдық адал еңбегі үшін алғысымызды білдіреміз! Сізге зор денсаулық, шығармашылық табыс, ғылыми және педагогикалық қызметіңізде жаңа жетістіктер тілейміз!
