2024 жылдың 16 қыркүйегінде Тілдік құзіреттер орталығында филология ғылымдарының кандидаты, аға оқытушы Асавбаева Гүлзада Байдрахманқызының мерейтойына арналған құрмет көрсету шарасы өтті. Университет басшылығы атынан құттықтау сөзін Басқарма мүшесі - академиялық істер жөніндегі проректор Асия Хасенқызы айтты. Ол Гүлзада Байдрахманқызының көп жылдар бойы көлік және машина жасау факультетінде тәрбие жұмыстары жөніндегі деканның орынбасары қызметін атқарып, үлкен еңбек сіңіргенін атап өтті. Гүлзада Асавбаева өз ісіне деген жоғары жауапкершілігі мен шығармашылық көзқарасымен ерекшеленеді. Терең білімі, кең эрудициясы, студенттер мен әріптестердің мүдделеріне деген жанашырлығы оған лайықты құрмет әкелді. Әріптестері мен студенттері де жылы лебіздерін білдіріп, мерейтой иесіне ізгі тілектерін жаудырды. Тілдік құзыреттер орталығының ұжымы Гүлзада Байдрахманқызын 60 жасымен құттықтап, зор денсаулық пен шығармашылық табыстар тіледі!