Д.Серікбаев атындағы ШҚТУ 65 жылдығына орай республикалық «EKTU CUP-2023» пікірсайыс турнирі өтті.
Турнирге Л.Н.Гумилев атындағы Еуразия ұлттық университеті, Шәкәрім университеті, Торайғыров университеті, Әлкей Марғұлан атындағы Павлодар педагогикалық университеті, Семей медициналық университеті, С. Аманжолов атындағы ШҚУ студенттері, колледждер және Назарбаев зияткерлік мектебі, Қ. Нұрғалиев атындағы №43 мектеп-лицей, Ш. Уәлиханов атындағы №3 мектеп-лицей оқушылары қатысты.
Жоғары және арнаулы орта оқу орындарының студенттері және мектеп оқушылары Британдық Парламенттік Форматта (БПФ) сайысқа түсті.
Турнирдің басты ерекшелігі – жас шектеуінің болмауында. Бұл жағдай жастардың басын біріктіріп, университетаралық байланысты нығайта түсті. Мектеп оқушылары аға буын өкілдерімен сөз жарысына түсіп, өздерінің тең дәрежедегі дайындықтарын көрсетті.
«EKTU CUP-2023» пікірсайыс турнирінің кубогын Д. Серікбаев атындағы ШҚТУ студенті Ертіс Арыханов пен Ерболат Талғар фракциясы иеленді.
Павлодар қалалық Торайғыров университетінің студенттері Дәлелхан Кенжебек, Ерболат Бекболат финалда ойнап, үздіктер қатарынан көрінді. Семей қаласынан келген Әсел Токтарчаева мен Ғанибек Түсіпбек ақтық финалда ойнап, дипломға ие болды. Семей медициналық университетінің студенттері Иісхан Нұрбақыт және Ботагөз Сағынбекова да арнайы марапатқа ие болды.
Семей қаласынан келген Ғанибек Түсіпбек үздік спикер ретінде мойындалып, Әлем Әліпбаев үздік төреші ретінде танылды.
Турнирге қатысушылар пікірсайыс өткізудің жоғары ұйымдастырылуын және қазіргі Қазақстан университетінің жастар саясатындағы осындай іс-шараның маңыздылығын атап өтті.
