28 тамыз күні Мемлекет басшысы Қасым-Жомарт Тоқаевтың бастамасымен ұйымдастырылған «Таза Қазақстан» атты ауқымды экологиялық акция аясында Д. Серікбаев атындағы Шығыс Қазақстан техникалық университетінің белсенді жастары ел болашағына жауапкершілікпен қарауды және экологиялық мәдениетті қалыптастыруды мақсат еткен шараға белсенді түрде қатысты.
ШҚТУ көптеген жылдар бойы өңірдегі экологиялық бастамалардың ең белсенді қатысушыларының бірі болып келеді. Университет Қазақстанның ең «жасыл» университеті ретінде танылған, ал оның студенттері тұрақты қоғам құруға қомақты үлес қосып, табиғатты қорғау шараларының бастамашысы әрі белсенді қатысушысы болып отыр.
Табиғи ресурстарға бай Қазақстан ауқымды экологиялық өзгерістер қарсаңында тұр. Осы үдерісте «Таза Қазақстан» бастамасы үкіметтің, бизнестің және азаматтық қоғамның күш-жігерін біріктіріп, таза әрі тұрақты ортаны құруда маңызды рөл атқарады. ВКТУ студенттерінің белсенділігі тағы да дәлелдегендей, таза қоршаған орта – халық денсаулығының кепілі әрі әрбір азаматтың жеке жауапкершілігі.
