Университетте «1С-Рейтинг» ЖШС өкілінің қатысуымен мазмұнды лекция өтті. Лекцияның тақырыбы — «Авторлық құқықты заңдастыру және қорғау». Іс-шараға университеттің магистранттары, докторанттары және жас ғалымдары қатысты — олар ғылыми және жобалық қызметпен айналысатын, интеллектуалды өнімдерді құратын және өздерінің зерттеулері мен жұмыстарын құқықтық тұрғыдан қорғау мәселелерімен жиі бетпе-бет келетін мамандар.

Лекция спикерлері — «1С-Рейтинг» ЖШС өкілдері — авторлық құқық пен интеллектуалды меншік тақырыбын түсінікті және практикалық тұрғыда баяндап берді:

  • ғылыми және IT қызметіндегі авторлық құқық және интеллектуалды меншік ұғымдары;
  • авторлық құқықты қорғаудың маңыздылығы, әсіресе бағдарламалық қамтамасыздандыру мен басқа да интеллектуалды өнімдерді қолдану кезінде туындайтын құқықтық тәуекелдер;
  • өздерінің ғылыми жұмыстарын, мақалаларын, бағдарламаларын қалай заңды түрде тіркеу керек;
  • Қазақстанда және халықаралық деңгейде авторлық құқықты қорғау жолдары.

Лекция барысында ерекше назар аударылған мәселелер:

  • ғылыми жарияланымдар мен бағдарламалық өнімдерге авторлық құқықты қалай тіркеуге болады;
  • 1С жүйесі арқылы жас ғалымдар мен студенттерге ұсынылатын мүмкіндіктер;
  • жас ғалымдардың интеллектуалды меншігін сақтай отырып, IT саласында қалай қызмет етуге болатындығы.

Интеллектуалды меншік құқықтарын қорғау бүгінгі күні өте өзекті тақырыпқа айналды. Ғылыми жобалардың, стартаптардың, цифрлық шешімдердің және жас зерттеушілердің контенттерінің саны артқан сайын, өз құқықтарын білу және қорғау кәсіби дағдының маңызды бөлігіне айналады.

Лекция барысында қатысушылар өздерінің сұрақтарын қойып, нақты мысалдармен бөлісіп, талқылаулар жүргізді. Спикер өз тәжірибесімен бөлісіп, әртүрлі жағдайларға қатысты құнды кеңестер берді.

Бұл кездесулер тек құқықтық сауаттылықты арттырып қана қоймай, жас мамандардың интеллектуалды еңбектеріне жауапкершілікпен қарауын қалыптастырады.

Университет «1С-Рейтинг» ЖШС компаниясына ынтымақтастық үшін алғыс білдіреді және ғылыми жастардың құқықтық мәдениетін дамытуға қосқан үлесін жоғары бағалайды.