Д. Серікбаев атындағы Шығыс Қазақстан техникалық университетінің ұжымы Сізді мерейтойыңызбен шын жүректен құттықтайды!
Сіздің кәсіби біліміңіз, мол тәжірибеңіз бен қызметке деген жауапкершілігіңіз университеттің әскери кафедрасын дамытуға және болашақ мамандарды даярлауға елеулі үлес қосып келеді. Сіздің басшылығыңызбен студенттердің сапалы әскери даярлығына ғана емес, олардың бойында тәртіптілік, жауапкершілік, отансүйгіштік және елге деген құрметті қалыптастыруға ерекше көңіл бөлінеді.
Жоғары кәсібилігіңіз, өзіңізге және әріптестеріңізге қоятын талапшылдығыңыз, жастармен жұмыс істей білуіңіз және өз ісіңізге деген адалдығыңыз зор құрметке лайық.
Осы айтулы күні Сізге зор денсаулық, отбасыңызға амандық, мол қуат және жаңа жетістіктер тілейміз! Жинақтаған тәжірибеңіз бен біліміңіз алдағы уақытта да университетіміздің дамуына және жас ұрпақты тәрбиелеуге қызмет ете берсін. Әрдайым жаныңыздан сенімді әріптестеріңіз, пікірлестеріңіз, туған-туыстарыңыз бен жақындарыңыз табылсын.
Мерейтойыңыз құтты болсын! Сізге ұзақ ғұмыр, бейбіт өмір, бақ-береке және жаңа жетістіктер тілейміз!
