Қазақстан халықтарының Ассамблеясының 30 жылдығына орай Халықаралық ғылыми-зерттеу орталығы «DIGITAL SOCIAL RESEARCH» осы оқиғаға арналған іс-шаралар тізбегінің бастамасы болды.
Университет студенттері үшін «Жастар ортасындағы мәдениетаралық сындарлы диалог» семинар-тренингі өтті. Орталықтың ғылыми қызметкерлерінен бөлек, шараны ұйымдастыру мен өткізуге Әлеуметтік және жастар саясаты департаментінің қызметкерлері Жанабаева Г. Н. мен Амринова М. С. және ШҚО ішкі саясат басқармасының «Достық үйі - қоғамдық келісім орталығы» директорының орынбасары Айгерим Жомартқызы Қасенова қатысты. Айгерим Қасенова студенттерді құттықтап, маңызды датамен құттықтау сөзін айтты.
Семинарды ашқан Нелли Леонидовна Краснобаева, ШҚО ҚХА ҒЭТ төрағасы, Д. Серікбаев атындағы Шығыс Қазақстан техникалық университетінің "DIGITAL SOCIAL RESEARCH" халықаралық ғылыми-зерттеу орталығының бас ғылыми қызметкері, тарих ғылымдарының кандидаты, Ассамблеяның 1995 жылы құрылуы, Президент жанындағы консультативті-кеңесші органнан республиканың Конституциялық құрылымына айналу жолы туралы баяндады. Ол Ассамблеяның негізгі қызмет бағыттарын атап, жастармен жұмыс істеуге ерекше назар аударып, оның басты мақсатын - Қазақстан халқының ұлтаралық келісімі мен бірлігін нығайту екенін айтты: «Бүгінде Қазақстан халықтарының Ассамблеясы 1000-нан астам этно-мәдени бірлестіктерді біріктіріп, еліміздегі әрбір азаматтың бейбіт, тең құқықты және ынтымақтастықта өмір сүруін қамтамасыз ететін маңызды элемент болып табылады».
Жанна Сакеновна Аубакирова, ШҚО ҚХА ҒЭТ мүшесі, ШҚТУ "DIGITAL SOCIAL RESEARCH" ХҒЗО басшысы, тарих ғылымдарының кандидаты студенттерге әлеуметтік бағдарланған жобалау қызметі бойынша тренинг өткізді. Ол ШҚТУ түлектерінің ғылыми-зерттеу жобаларында қатысу арқылы қол жеткізген жетістіктері туралы нақты мысалдар келтірді. Сонымен қатар, ол мерейтойлық жылдың іс-шараларының болашақ бағыты мен студенттерге қатысқан жағдайда ашылатын мүмкіндіктер туралы хабардар етті.
Семинар-тренингтің осы бөлігінің негізгі мазмұны жобалау қызметінің алгоритмін талдау және жобаның логикалық құрылымын түсіндіру болды.
Қатысушылардың айрықша қызығушылығын ХҒЗО «DSR» жетекші ғылыми қызметкері, т.ғ.д. Александр Николаевич Алексеенко ұйымдастырған пікірталас тудырды. Ол ҒЭТ құрамында жұмыс істеген алғашқы күндерден бастап ұлт құру мәселесіне ғылыми көзқарастар, оларды қазіргі әлемде практикалық түрде жүзеге асыру, тәуелсіз мемлекеттердің даму процестері, жаһандану жағдайында мәдениеттердің өзара әрекеттесуі және ұлттың өзіндік ерекшелігін сақтау тақырыптарын талқылады. Әңгіме барысында студенттер белсенді түрде сұрақтар қойып, өз пікірлерін білдіріп, нәтижесінде адам құқықтары мен бостандығына, адам қадір-қасиетіне құрмет көрсету сияқты мәңгі құндылықтарды мойындауға келді. Олар өркениетті және өзара құрметке негізделген мәдениетаралық диалог дағдыларын қазіргі уақытта ең қажетті және өзекті дағды ретінде атап өтті.
Семинардың соңғы бөлімі Элеонора Олеговна Столярова, ШҚО ҚХА ҒЭТ мүшесі, ХҒЗО «DSR» басты ғылыми қызметкері, Шығыс Қазақстан облысындағы Ассамблеяның ғылыми-эксперттік тобының мүшесі ұсынған диалог болды. Ол қатысушыларға «құқық», «мораль» және «адамгершілік» ұғымдарын түсіндіріп, осы ұғымдардың мыңдаған жылдар бойы әлеуметтік қақтығыстарды конструктивті шешу механизмдері ретінде қалыптасып келе жатқанын атап өтті. Әңгіме қатысушыларды әр адамның әлеуметтік тұрақтылықты және азаматтық бейбітшілікті сақтау бойынша жеке таңдау мен жеке жауапкершілік туралы ойлануға итермеледі.
Семинар-тренинг қорытындысында студенттерге жобалық топтар құрып, ХҒЗО «DSR», Д. Серікбаев атындағы ШҚТУ Әлеуметтік және жастар саясаты департаменті және Шығыс Қазақстан облысындағы "Достық үйі - Қоғамдық келісім орталығының" консультативтік және ресурстық қолдауымен жұмысты жалғастыру ұсынылды.
