5 маусымда жоғары білімнің әлемдік нарығын талдауға маманданған Quacquarelli Symonds (QS) халықаралық талдау агенттігі жыл сайын жариялайтын QS World University Rankings -2025 академиялық рейтингінің нәтижелері шықты.
Іріктеуге әлемнің түкпір-түкпірінен 5663 ЖОО қатысты, оның ішінде үздік рейтингке 106 елден 1 503 ЖОО кірді. Бірінші рет Д. Серікбаев атындағы ШҚТУ өткен жылы осы рейтингке енді, біз тағы да еліміз бойынша үздік ондыққа кірдік. Биыл біз әлемдегі ең үздік 1503 ЖОО арасында #951-1000 позицияны иелендік.
ШҚТУ академиялық бедел, жұмыс берушілердің беделі, халықаралық ынтымақтастық индексі, оқытушылар мен студенттер санының арақатынасы сияқты көрсеткіштерді жақсартты, биылғы жылы түлектердің жетістіктері, шетелдік оқытушылардың үлесі, тұрақты даму мақсаттары сияқты көрсеткіштерге ерекше назар аударуды жоспарлап отырмыз.
Біздің тату ұжымның әрбір мүшесін, серіктестерімізді жоғары нәтижелермен шын жүректен құттықтаймыз және алғыс айтамыз! Өйткені, бұл біздің командалық жұмысымыз, тұрақты даму мен жетілдіруге деген ұмтылыс, "EKTU Otbasy" ұжымының барынша белсенділігі лайықты нәтижелер әкелді!!!
Алайда, жаһандық рейтингтердегі жоғары орындардың өзі біз үшін мақсат емес. Бұл, ең алдымен, университет өзінің стратегиялық даму бағдарламасы шеңберінде жыл сайын жүзеге асыратын, университетті әлемдік академиялық қоғамдастықта көрінетін, одан әрі даму бағытын түзетуге мүмкіндік беретін орасан зор жұмыстың тиімділігіне әлемдік үздік сарапшылардың тәуелсіз сыртқы бағасын алу мүмкіндігі.
Барлық әріптестерімізді құттықтаймыз және алғыс айтамыз, біз бірге ауқымды жобаларды жүзеге асырып, Қазақстан экономикасына елеулі үлес қосатынымыз сөзсіз!
Толық ақпарат ресми сайтта ұсынылған:
