2025 жылғы 16 мамырда Green Campus жобасының жетекшісі Петрова Ольга Анатольевна "Білім беру жүйесіндегі құндылықтарға қызмет ету: практикадағы теория" атты халықаралық қатысумен өткен I форумға ШҚТУ атынан қатысты. Форум Алтай мемлекеттік университетінің Рубцов институты (филиалы) базасында офлайн және онлайн форматта өтті.
"Қызмет арқылы оқыту" - студенттердің академиялық және кәсіби даярлығын, сондай-ақ дәстүрлі құндылықтар мен азаматтық ұстанымдарын қалыптастырудың ең тиімді әлемдік тәжірибелерінің бірі болып табылады. Форум білім мен тәжірибе алмасуға, сондай-ақ білім беру жүйесіне "Қызмет арқылы оқыту" енгізуге байланысты өзекті мәселелер мен трендтерді талқылауға арналған алаңға айналды.
Форумда қоғамдық өмірге жастардың белсенді қатысуы қоғамның үйлесімді дамуының маңызды шарттарының бірі ретінде қарастырылды. Осыған байланысты жастармен жұмыс істеуге бағытталған жобалар ерекше назар аударды.
ШҚТУ тарапынан "ЖОО-ның жасыл жобалары шеңберіндегі студенттік бастамалар" атты баяндама ұсынылды. Онда жастардың волонтерлік жасыл жобаларының сәтті кейстері, атап айтқанда, ШҚТУ экоклубтарының пластикті бөлек жинауға және республикалық "3.2.1.Бастау!" жобасына белсенді қатысуы талқыланды.
Мұндай жобалар студенттердің еріктілер қозғалыстарына белсенді қатысып, қоғамға пайда әкелуіне ғана емес, сонымен қатар олардың кәсіби дағдыларын нақты әлеуметтік міндеттерді шешу арқылы дамытуына ықпал ететіні атап өтілді. Сондай-ақ мұндай тәжірибе студенттік ортадан жаңа қоғамдық көшбасшылардың қалыптасуына жол ашады.
