"Атамекен" ҰКП өткізген ҚР жоғары оқу орындарының білім беру бағдарламаларының рейтингі жарияланды. Рейтингте ШҚТУ-дың 29 білім беру бағдарламасы орын қатысты. Еліміздегі үздік ТОП-3-ке 12 білім беру бағдарламасы енді (41,4%), ТОП-5 үздіктерінің қатарына 16 білім беру бағдарламасы кірді (55,2%).
1 орын - 3 БББ: Геология және пайдалы қазбалар кен орындарын барлау. Металлургия. Су ресурстары және суды пайдалану.
2 орын - 5 БББ: Математикалық және компьютерлік модельдеу. Компьютерлік технология және бағдарламалық қамтамасыз ету. Жылу энергетикасы. Пайдалы қазбаларды байыту. Жер кадастры және жерге орналастыру.
3 орын - 4 БББ: Техникалық физика. Тау-кен инженериясы. Орман ресурстары және орман шаруашылығы. Табиғи және техногендік сипаттағы төтенше жағдайлардың қауіпсіздігін инновациялық басқару.
4 орын - 2 БББ: Медициналық инженерия (Медициналық технология). Тіршілік қауіпсіздігі және қоршаған ортаны қорғау.
5 орын - 2 БББ: Сәулет. Геодезия және картография.
2022 жылмен салыстырғанда Д.Серікбаев атындағы ШҚТУ білім беру бағдарламаларының рейтингтегі үлесі ТОП-5-те 52%-дан 55,2%-ға, ТОП-3-те 36%-дан 41,4%-ға өсті.
Жалпы, «Атамекен» ҰКП рейтингінің нәтижелері университеттің сұранысқа ие, бәсекеге қабілеттілік деңгейі жоғары, жұмыс берушілердің талаптарына сай келетін және сұранысқа ие мамандықтар бойынша кадрлар даярлауды қамтамасыз ететінін көрсетеді.
Айта кетейік, мемлекеттік университеттер арасында ШҚТУ түлектерді жұмысқа орналастыру бағытында 1-ші орында. Студенттердің жұмысқа орналасу үлесі 94%.
