«Д.Серікбаев атындағы ШҚТУ» коммерциялық емес акционерлік қоғамының Емтиханды ұйымдастыру секторы (ЕҰС) Академиялық қызмет департаменты жанындағы Оқу үдерісін ұйымдастыру және мониторингтеу бөлімінің құрылымдық бөлімшесі болып табылады.

ЕҰС мамандары ұйымдастырады және бақылайды:

1. Емтихандарды өткізу тәртібін:

• QR-кодты пайдалана отырып, жазбаша форматта;
• ауызша форматта – комиссиялық түрде;
• 1С бағдарламасын қолдана отырып, тест форматында;
• "Сәулет", "Сәулет ортасының дизайны", "Дизайн" білім беру бағдарламалары бойынша шығармашылық емтихандар;

 2. Жоғары оқу орнының білім беру бағдарламалары бойынша көрсетілген емтихандарды өткізу үшін емтихан материалдарының деректер базасын қалыптастыру үдерісін;

3. Прокторлардың жұмысын.

4. Оқытушылардың емтихан жұмыстарын тексеруін.

5. Емтихан кестесіне сәйкес, жазбаша форматта QR-кодты пайдалана отырып емтихандарды өткізу үшін билеттер пакеттерін қалыптастырады.

Емтихандарды жазбаша форматта QR-кодты пайдаланып өткізу алгоритмі:

• дәрісханаға емтихан тапсыру үшін кірген кезде білім алушы рұқсатнаманы анықтауышқа жақындатады, сол кезде экранда оның жіберу картасы жасыл фонмен көрсетіледі;

• оқушы емтихан тапсыру үшін дәрісханаға өтеді. Емтихан тапсыру уақытына 90 минут беріледі;
• емтихан аяқталғаннан кейін білім алушылар рұқсатнаманы анықтауышқа жақындатады, сол кезде QR-код талоны басылып шығады, оны прокторға тапсырады, проктор емтихан материалдарына QR-код талонын тіркейді;  

• емтихан жұмыстарын жинағаннан кейін проктор емтихан ұйымдастыру секторының қызметкеріне рұқсат тізімін, пайдаланылмаған билеттері бар конверттерді, жауаптың қалған таза парақтарын, емтихан рәсімінің бұзылғаны туралы актілерді және жұмыс жиынтығын (QR-код талоны, билет, білім алушылардың жауап парағы) тапсырады;
• емтихан жұмыстарын тексеру емтихан тапсырған күні арнайы бөлінген дәрісханада жүзеге асырылады. Дәрісханада емтиханды ұйымдастыру секторының қызметкері оқытушыға жұмыс жиынтығын (QR-коды бар талон, билет, жауап парағы) береді. Емтихан нәтижелерін оқытушы өзінің логині мен паролімен білім беру порталындағы үлгерім тізіміне мобильді қосымша арқылы (смартфонынан немесе университет планшетінен) қояды. Білім алушы QR-код бойынша сәйкестендіріледі;
• бағалар қорытынды тізімде көрсетіледі.